MUSIKA ESKOLAKO TALDEEN ELKARTRUKEAK ASTEBURU HONETAN

 Asteburu honetan Musika Eskolako talde batzuek elkartrukeak egin dituzte. 

Erroxape Abesbatza Oinatin izan da; Aloña Abesbatzarekin batera hartu dute parte kontzertuan. Beste alde batetik, gitarrako 10 ikasle Bilboko XXII. Gitarra Topaketan aritu ziren.

Prestaketa lan mardula egin ostean musikaz gozatu dute!

MUSIKA ESKOLAKO GITARRA IKASLEEK BILBOKO XII. GITARRA TOPAKETAN HARTUKO DUTE PARTE

Zapatu honetan Musika Eskolako gitarra ikasle batzuek Bilboko XII. Gitarra Topaketan  hartuko dute parte. Zorte on emanladian!!!!

LEHENENGO ARREKATXUTXA EGUNAK BERMEOKO KALEAK TRIKITIXA DOINUZ BUSTI ZITUEN PASA DEN ZAPATUAN

Pasa den zapatuan Bermeoko kaleek Arrekatxutxa Egunaren lehenengo edizioa hartu zuten. Arrekatxutxa Trikitixa Taldeko eta Arrasateko Trikitixa Eskolako 130 musikari baino gehigok bat egin eben Alde Zaharra, Lamera eta Portu Zaharra Trikitixa doinuekin bustiz. Jardunaldi guztiz arrakastatsua!!

TXISTU ETA DANBOLIN GIRO APARTA BUSTURIALDEKO TXISTU EGUNEAN

Bermeoko Udalaren Musika Eskolako txistu ikasleek, Kankinkabara Txistu Taldeko kideekin batera, EAn ospatutako Busturialdeko Txistu Egunean parte hartu zuten pasa den zapatuan. Giro aparta, protagonista nagusi batekin: txistu eta danbolin soinuak. Aupa zuok!!!

TRIKITIXA DOINUEK PORTU ZAHARRA ETA LAMERA ALAITUKO DUTE ZAPATU HONETAN

Zapatu honetan Trikitixa doinuek Bermeoko Portu zaharra eta Lamera alaituko dute Arrekatxuta Egunaren ospakizunaren baitan. Lameran hasiko da, 12:00etan, eta Arrasateko Trikitixa Elkartea gonbidatu moduan jardungo da. Ez ezazu galdu!!

UDABERRIKO KONTZERTUAK EKIMENAK MUSIKA DOINUZ BETE ZUEN ATZO SANTA EUFEMIA ELIZA

Musikaz eta emozioz beteriko arratsaldea bizi izan genuen atzo Bermeoko Santa Eufemia elizan Udaberriko Kontzertuak ekimenarekin.

Musika eskolako ikasleek talentuz, esfortzuz eta pasioz betetako interpretazioak oparitu zizkiguten, ikasturtean zehar ikasitako guztia erakutsiz. 

Zorionak parte-hartzaile guztiei eta eskerrik asko posible egin zutenei!

ARREKATXUTXA TALDEAK TRIKI ETA PANDERO DOINUZ BUSTI DU ZAHARREN EGOITZA

Gaur goizean Arrekatxutxa Triki eta pandero taldearen txanda izan da. Euren triki eta pandero doinuek Zaharren Egoitza girotu dute. Mila esker jasotako harreragatik!

MUSIKA ESKOLAKO TXISTU IKASLEAK ZAHARREN EGOITZA GIROTZEN

Pasa den eguztenean, martxoak 18, Musika Eskolako txistu-ikasle batzuek Bermeoko Sancti Spiritus zaharren egoitza txistu soinuekin girotu zuten. Musika adin guztientzako onura delako!

UDABERRIKO KONTZERTUAK EMANALDIA BUELTAN DA! BIHAR, MARTXOAREN 24AN, SANTA EUFEMIA ELIZAN!

Musika Eskolako taldeak prest daude Udaberriko kontzertuak emanaldirako. Bihar, martxoak 24, 19:00etatik aurrera Santa Eufemia elizan, ikasle-taldeek urtean zehar landutako doinu eta abestiak interpretatuko dituzte. Ez ezazu galdu!

TXISTU, PANDERO ETA PIANO IKASLEEN EMANALDIEK ITXI DUTE MUSIKAREN OLATUAK JARDUNALDIAK

Txistu, pandero eta piano ikasleen emanaldiek itxi dute gaur arratsaldean Musikaren Olatuak kamara-kontzertu jardunaldien hirugarren eta azken eguna. Eskerrik asko hiru egun hauetan bertaratutako guztiei. Beste behin ere frogatu dugu musika, partekatzen bada, gehiago gozatzen dela.